रैबार उत्तराखंड: शनिवार का दिन मुख्यमंत्री त्रिवेन्द्र सिंह रावत जी न मुख्यमंत्री आवास पर जनता दर्शन हॉल मा उच्च शिक्षा विभागे तरफ से राष्ट्रीय युवा चेतना दिवस व नेताजी सुभाष चन्द्र बोस की जयंती का उपलक्ष मा हुईं निबंध प्रतियोगिता का विजेताओं तिन पुरस्कृत करी। उन्कि तरफ से छात्रों तैं सम्मान राशि व प्रशस्ति पत्र प्रदान किये गे।
प्रतियोगिता मां प्रथम तीन विजेताओं तैं क्रमशः एक लाख, पिचेतर हजार व पच्चास हजार कू इनाम चेक का माध्यम से दये गे। प्रतियोगिता मा डी.डब्ल्यू.टी कॉलेज की बीएड की छात्रा सौम्या न पैलु स्थान प्राप्त करि, डीएवी पीजी कॉलेज कु छात्र उज्जवल शर्मा न दूसरू व बाल गंगा महाविद्यालय सैन्दूल कैमर की छात्रा अंजलि मंमगई न तीसरू स्थान प्राप्त करि।
युवा कल्याण विभाग द्वारा ‘‘नेताजी सुभाष चन्द्र बोस युवाओं की प्रेरणा’’ विषय पर राज्य स्तरीय भाषण प्रतियोगिता कू भी आयोजिन ह्वे जैमा देहरादून का गौतम खट्टर तैं पैली स्थान, अल्मोड़ा की हिमानी दुर्गापाल तैं दूसरू व नैनीताल का रोहित सिंह रावत व हरिद्वार की अक्षी गौड़ तैं संयुक्त रूप रूप मा तीसरू स्थान प्राप्त ह्वे।
कार्यक्रम का मौका पर मुख्यमंत्री त्रिवेन्द्र सिंह रावत न बोली कि राज्य मा बहुत जल्दी युवा आयोग कू गठन किये जालु, ताकि हमारा युवा क्या सोचदी, अपना लक्ष्यों तिन पूरा कना वास्ता उनकी क्या आकांक्षा छिन येकु स्पष्ट रोड मेप तैयार ह्वे सकलु। मुख्यमंत्री न अगाड़ी बतै कि हमारी जु वीर गाथायें अर समृद्ध सांस्कृतिक विरासत च वे तिन हमारा विश्वविद्यालय अगाड़ी बड़ोला, ताकि हमारी आण वाली पीढ़ी अपणी संस्कृति से जुड़ सकली।
मुख्यमंत्री जी न नेताजी सुभाष चन्द्र बोस की जयंती पर बताई कि ये दिवस तैं हम ‘पराक्रम दिवस’ का रूप मा मनौणा छिन। नेताजी सच्चा अर्थों मा देश का सच्चा सपूत छया, आज सरकार वों तैं जू सम्मान देणी च वु भी तारीफ का काबिल च।